Nammekar fan jo bern

Allinnich by jo earste bern kinne jo de efternamme kieze. Krije jo dêrnei mear bern út dyselde relaasje? Dan krije sy deselde efternamme as jo earste bern. By it kiezen fan de efternamme binne der ferskillende mooglikheden:

Jo binne troud of jo hawwe in registrearre partnerskip

• It bern krijt de efternamme fan de heit of duomem.
• Wolle jo dat it bern de efternamme fan de mem of in dûbele efternamme krijt? Dan kin nammekar foar de berte of by de berte-oanjefte dien wurde. Jo lizze tegearre in ferklearring ôf by de boargerlike stân. Meitsje hjirfoar in ôfspraak en nim jim legitimaasjebewizen mei.

Jo binne net troud

• It bern krijt de efternamme fan de mem.
• Wolle jo dat it bern de efternamme fan de heit of in dûbele efternamme krijt? Dan moat de heit it bern erkenne. Erkenne kin foar de berte of nei de berte fan it bern. By de erkenning kinne jo de efternamme kieze; dêrfoar komme jim tegearre lâns en nimme jim jim legitimaasjebewizen mei.

Jo bern is berne yn it bûtenlân

Nim foar mear ynformaasje kontakt op mei de gemeente Ljouwert.

Fan 1 jannewaris 2024 ôf kinne jo foar jo bern ek in dûbele efternamme kieze. Mear ynformaasje hjiroer fine jo op de webside fan de Ryksoerheid.